എടവണ്ണപ്പാറ: അന്താരാഷ്ട്ര വനിതാ ദിനത്തോടനുബന്ധിച്ച് സ്ത്രീകളുടെയും കുട്ടികളുടെ സുരക്ഷ ഉറപ്പ് വരുത്തുന്നതിന് വാഴക്കാട് പൊലിസ് സ്‌റ്റേഷന്‍ പരിധിയില്‍ സ്ത്രീസുരക്ഷ ബോധവത്ക്കരണ പരിപാടി സംഘടിപ്പിച്ചു. ബസുകളിലും ഓട്ടോറിക്ഷകളിലും യാത്രചെയ്യുന്ന സമയത്ത് സ്ത്രീകള്‍ക്കും വിദ്യാര്‍ഥികള്‍ക്കും നേരെയുണ്ടാകുന്ന അക്രമം അപ്പോള്‍ തന്നെ പൊലിസിനെ വിവരം അറിയിക്കുന്നതിന് ആവശ്യമായ ഫോണ്‍ നമ്പറുകള്‍ നല്‍കി.
പരാതികള്‍ എഴുതിയറിയിക്കാന്‍ പ്രത്യേകം തയാറാക്കിയ കാര്‍ഡും വിതരണം ചെയ്തു.
കൊണ്ടോട്ടി സി.ഐ മുഹമ്മദ് ഹനീഫ, വാഴക്കാട് എസ്.ഐ ബി സന്തോഷ്, ശിബ്‌ന, സാമൂഹ്യപ്രവര്‍ത്തക റുഖിയ അഷ്‌റഫ് നേതൃത്വം നല്‍കി.