കൊണ്ടോട്ടി: കഴിഞ്ഞ ദിവസമുണ്ടായ മഴയില്‍ വിമാനത്താവളത്തില്‍നിന്നു മാലിന്യം പുറത്തേക്ക് ഒഴുകിയതായി പരാതി. മേലങ്ങാടി പുളിയഞ്ചാല്‍, തയ്യില്‍ ഭാഗത്തെ മൂന്നു കിണറുകളിലാണ് മാലിന്യം എത്തിയത്.
മുകളില്‍നിന്ന് ഒലിച്ചിറങ്ങിയ വെളളത്തില്‍ കരിപ്പൂരില്‍നിന്നുള്ള മാലിന്യവും അടങ്ങിയതായാണ് പരാതി.
തുടര്‍ന്നു നഗരസഭാ ഹെല്‍ത്ത് ഇന്‍സ്‌പെക്ടറുടെ നേതൃത്വത്തില്‍ സ്ഥലം സന്ദര്‍ശിച്ചു. നേരത്തെ, ഈ വിഷയത്തില്‍ നഗരസഭാ ചെയര്‍മാന്‍ എയര്‍പോര്‍ട്ട് ഡയറക്ടറുമായി ചര്‍ച്ച നടത്തിയിരുന്നു. വെള്ളം ഒലിച്ചിറങ്ങുന്നത് ഒഴിവാക്കുന്നതിന് ഈ ഭാഗം കോണ്‍ക്രീറ്റ് ചെയ്യാനായിരുന്നു തീരുമാനം.
ഈ തീരുമാനം നടപ്പാക്കിയിട്ടില്ലെന്നു നാട്ടുകാര്‍ പറയുന്നു.