കല്‍പ്പറ്റ: ലോക ജലദിനമായ മാര്‍ച്ച് 22 നോടനുബന്ധിച്ച് സമസ്ത കേരള സുന്നി ബാലവേദി സംസ്ഥാന കമ്മിറ്റിയുടെ ആഭിമുഖ്യത്തില്‍ സംഘടിപ്പിക്കുന്ന ജലസംരക്ഷണ കാംപയിനിന്റെ സംസ്ഥാന തല ഉദ്ഘാടനം വയനാട് ജില്ലയിലെ മടക്കിമലയില്‍ നടന്നു.
സമസ്ത കേരള മദ്രസ മാനേജ്മന്റ് അസോസിയേഷന്‍ സംസ്ഥാന പ്രസിഡന്റ് കെ.ടി ഹംസ മുസ്‌ലിയാര്‍ ഉദ്ഘാടനം നിര്‍വഹിച്ചു. ജലം മനുഷ്യരുടെയും മറ്റു ജീവജാലങ്ങളുടെയും അമൂല്യമായ സമ്പത്താണെന്നും അത് കരുതലോടെ ഉപയോഗിക്കണമെന്നും അദ്ദേഹം പറഞ്ഞു. കാംപയിനിന്റെ ഭാഗമായി 'പറവകള്‍ക്കൊരു തണ്ണീര്‍ കുടം' പദ്ധതി ഉദ്ഘാടനം സി.കെ ശശീന്ദ്രന്‍ എം.എല്‍.എ നിര്‍വഹിച്ചു.
അഷ്‌റഫ് ഫൈസി പനമരം അധ്യക്ഷനായി. റബീഉദ്ദീന്‍ വെന്നിയൂര്‍ പ്രമേയ പ്രഭാഷണം നടത്തി. ഹാരിസ് ബാഖവി കമ്പളക്കാട്, കെ.എ നാസര്‍ മൗലവി, മുഹമ്മദലി ദാരിമി, മുഹമ്മദലി, സയ്യിദ് റൈഹാന്‍ അലി തങ്ങള്‍, മൊയ്തുട്ടി മൗലവി , സഈദ് ഫൈസി , അഫ്‌റസ് കൊടുവള്ളി തുടങ്ങിയവര്‍ സംബന്ധിച്ചു. ഫര്‍ഹാന്‍ മില്ലത്ത് സ്വാഗതവും അലി യമാനി നന്ദിയും പറഞ്ഞു.