മദീന: ഒഴിവുദിനത്തെ ഉല്ലാസമാക്കി മദീന കെ.എം.സി.സി സെന്‍ട്രല്‍ കമ്മിറ്റിയും വനിതാവിങ്ങും സംയുക്തമായി സംഘടിപ്പിച്ച 'ഉണര്‍വ്വ് 2017' ശ്രദ്ധേയമായി. ഫാമിലിമീറ്റും കലാകായിക മത്സരങ്ങളും പരിപാടിയുടെ മാറ്റ് കൂട്ടി.
           ഇന്ത്യന്‍,സഊദി ദേശീയഗാനത്തിന്റെ അകമ്പടിയോടെ ആരംഭിച്ച കായിക പരിപാടിയില്‍ ഇരുനൂറില്‍പരം കുട്ടികള്‍ പങ്കെടുത്തു. മുതിര്‍ന്നവര്‍ക്കായുള്ള വടംവലി മത്‌സരവും ചാക്കിലോട്ടവും സ്ത്രീകള്‍ക്കായി കായിക വിനോദ മത്‌സരങ്ങളും സംഘടിപ്പിച്ചിരുന്നു.

പരിപാടിയില്‍ അല്‍ അബീര്‍ മെഡിക്കല്‍ ഗ്രുപ്പിന്റെ നേതൃത്വത്തില്‍  മെഡിക്കല്‍ ക്യാമ്പും സംഘടിപ്പിച്ചിരുന്നു
   വിവിധ സംഘടന പ്രതിനിധികളായ അഷ്‌റഫ് ചൊക്ലി, റിയാസ് എറണാംക്കുളം, ജാഫര്‍ ഏളമ്പിലക്കോട്, സമദ് നഹാസ്, അജ്മല്‍ മൂഴിക്കല്‍, സലീം തയ്യിലക്കടവ്, നജീബ് പത്തനംതിട്ട, ഡോ നൂറുദ്ദീന്‍ ഷംസു മലബാര്‍ എന്നിവരും വിവിധ ഏരിയ കമ്മിറ്റികളുടെയും ജില്ലാ മണ്ഡലം കമ്മിറ്റികളുടെ പ്രതിനിധികളും മത്‌സരത്തില്‍ വിജയികളായവര്‍ക്ക് സമ്മാനം നല്‍കി.