റിയാദ്: ലോകത്തെ ഏറ്റവും വലിയ എയര്‍ ബസ് വിമാനങ്ങള്‍ ഒറ്റയ്ക്ക് പറത്തി രണ്ടു അറബ് വനിതകള്‍ ചരിത്രം കുറിച്ചു . ദുബൈയിലെ എമിറേറ്റ്‌സ് വിമാനത്തിലെ വനിതാ പൈലറ്റുമാരായ ക്യാപ്റ്റന്‍ നെവിന്‍ ഡാര്‍വിഷും (ഈജിപ്ത്) ആലിയ അല്‍ മുഹൈറി (യു എ ഇ) എന്നിവരാണ് ചരിത്രം കുറിച്ചത്. എമിറേറ്റ്‌സ് വിമാനമായ എയര്‍ബസ് എ 380 പറത്തിയാണ് ഇവര്‍ ശ്രദ്ധനേടിയത്.നിലവില്‍ ലോകത്തെ ഏറ്റവും വലിയ കൊമേര്‍ഷ്യല്‍ എയര്‍ ക്രാഫ്റ്റ് ആണ് എയര്‍ബസ് എ 380.

രണ്ട് നിലകളുള്ള എയര്‍ ബസ് 380 പറത്തുന്ന ആദ്യ അറബ് വനിതാ പൈലറ്റ് എന്ന ബഹുമതി നെവിന്‍ ഡാര്‍വിഷ് സ്വന്തമാക്കിയപ്പോള്‍ ആലിയ അല്‍ മുഹൈറി ഈ ലക്ഷ്യം കൈവരിച്ച ഏറ്റവും പ്രായം കുറഞ്ഞ വനിതാ പൈലറ്റായി. അന്താരാഷ്ട്ര വനിതാ ദിനത്തോടനുബന്ധിച്ചു ദുബൈയില്‍ നിന്ന് വിയന്നയിലേക്കാണ് ഇവര്‍ ചരിത്ര നേട്ടത്തിന് വിമാനം പറത്തിയത്. ഇവര്‍ വിമാനം പറത്തുന്ന വീഡിയോ പോസ്റ്റ് ചെയ്തു നിമിഷങ്ങള്‍ക്കകം 1.3 മില്യണ്‍ ആളുകളാണ് കണ്ടത്.