തളിപ്പറമ്പ്: ബക്കളം ഒഴക്രാം ശിവക്ഷേത്രത്തില്‍ ഉത്സവത്തിനിടെ തിടമ്പേറ്റിയ ആന ഇടഞ്ഞത് പരിഭ്രാന്തി പരത്തി. ഏഴ് മണിയോടെയാണ് സംഭവം. ആനപ്പുറത്തുള്ളവര്‍ ക്ഷേത്ര മതില്‍ കെട്ടിന് പുറത്തേക്ക് ചാടി രക്ഷപ്പെട്ടു.  ഉടന്‍ തന്നെ ക്ഷേത്ര മതില്‍ കെട്ടിനകത്ത് നിന്നും ആളുകളെ മാറ്റി. അര മണിക്കൂറുനേരത്തെ ശ്രമത്തിനൊടുവില്‍ ആനയെ ചങ്ങലയില്‍ ബന്ധിച്ച് ക്ഷേത്ര മതിലിനു സമീപത്തേക്ക് മാറ്റി.  ഇതിനു ശേഷമാണ് ഉത്സവത്തിന്റെ തുടര്‍ ചടങ്ങായ തിടമ്പു നൃത്തംആരംഭിച്ചത്. എന്നാല്‍ ആളുകളെ മതില്‍ കെട്ടിനകത്തേക്ക് പ്രവേശിപ്പിച്ചില്ല.