എരുമപ്പെട്ടി: അടുക്കളത്തോട്ടത്തില്‍ വിളഞ്ഞ ഭീമന്‍ പടവലം ലോക റെക്കോര്‍ഡ് മറി കടക്കാനുള്ള ശ്രമത്തിലാണ്. കടങ്ങോട് സ്വദേശി സാര്‍ക്ക് എന്ന് വിളിക്കുന്ന കൂനുങ്ങല്‍ മുഹമ്മദ് റസാക്കിന്റെ അടുക്കളത്തോട്ടത്തിലാണ് ഏഴടിക്ക് മേല്‍ നീളമുള്ള പടവലം വിളഞ്ഞ് കിടക്കുന്നത്.
പടവലം ഇപ്പോഴും വളര്‍ച്ചയുടെ പാതയിലാണ്. ഇന്റര്‍നെറ്റില്‍ നിന്നും ലഭ്യമായ വിവരം അനുസരിച്ച് ലോകത്തിലെ ഭീമന്‍ പടവലം പിറവിയെടുത്തത് അമേരിക്കയിലാണ്. എട്ടടിക്ക് മീതെയാണ് നീളം.വളര്‍ച്ച പൂര്‍ത്തിയാകാത്ത മുഹമ്മദ് റസാക്കിന്റെ അടുക്കളത്തോട്ടത്തിലെ പടവലം റെക്കോര്‍ഡ് അടിസ്ഥാനത്തില്‍ ഇപ്പോള്‍ രണ്ടാം സ്ഥാനത്താണ്.
നിലം തൊടാറായ പടവലത്തിന് ഇനി വളരാന്‍ മണ്ണ് നീക്കേണ്ട അവസ്ഥയാണ്.
പടവലം ഇനിയും വളര്‍ന്ന് ലോക റെക്കോര്‍ഡ് മറികടക്കുമെന്ന പ്രതിക്ഷയിലാണ് റസാക്കും കുടുംബവും.