കൊച്ചി: മധ്യമേഖലാ തപാല്‍ അദാലത്ത് മാര്‍ച്ച് 25 ന് കൊച്ചിയില്‍ നടക്കും. രാവിലെ 11 ന് ഗാന്ധി നഗര്‍ മാവേലി റോഡിലുള്ള പോസ്റ്റ്മാസ്റ്റര്‍ ജനറല്‍ ഓഫിസിലാണ് അദാലത്ത്. മാവേലിക്കര, ആലപ്പുഴ, ചങ്ങനാശ്ശേരി, കോട്ടയം, ഇടുക്കി, ആലുവ, എറണാകുളം, ഇരിങ്ങാലക്കുട, തൃശൂര്‍, ലക്ഷദ്വീപ് ഡിവിഷനുകള്‍ക്ക് കീഴില്‍ വരുന്ന പോസ്റ്റ് ഓഫിസുകളിലെ കൗണ്ടര്‍ സേവനങ്ങള്‍, സേവിങ്‌സ് ബാങ്ക്, മണിയോര്‍ഡര്‍ തുടങ്ങിയവ സംബന്ധിച്ച പരാതികള്‍ അദാലത്തില്‍ പരിഗണിക്കും. മുന്‍ അദാലത്തുകളില്‍ പരിഗണിക്കപ്പെട്ടിട്ടുള്ള പരാതികള്‍ അയക്കേണ്ടതില്ല.
പരാതികള്‍ അദാലത്തില്‍ ഉന്നയിക്കാന്‍ ആഗ്രഹിക്കുന്നവര്‍ കെ.കലൈവാണി, അസിസ്റ്റന്റ് ഡയരക്ടര്‍ (പബ്ലിക് ഗ്രീവന്‍സസ്), ഓഫിസ് ഓഫ് ദ് പോസ്റ്റ്മാസ്റ്റര്‍ ജനറല്‍, സെന്‍ട്രല്‍ റീജ്യന്‍, കൊച്ചി 682020 എന്ന വിലാസത്തില്‍ മാര്‍ച്ച് 20 നോ അതിനു മുന്‍പോ ലഭിക്കുന്നവിധത്തില്‍ അയക്കേണ്ടതാണ്. പരാതികള്‍ അയക്കുന്ന കവറിനു മുകളില്‍ 'റീജ്യനല്‍ ഡാക്ക് അദാലത്ത്: മാര്‍ച്ച് 2020' എന്ന് രേഖപ്പെടുത്തേണ്ടതാണ്.