കൊവിഡിന്റെ പ്രഭവകേന്ദ്രമായ ചൈനയില്‍ കൊവിഡ് സ്ഥിരീകരിച്ചവരില്‍ 70 ശതമാനവും രോഗമുക്തരായതായി ലോകാരോഗ്യ സംഘടന അറിയിച്ചു. ചൈനയില്‍ ഇപ്പോള്‍ സ്ഥിതി നിയന്ത്രണവിധേയമായിക്കൊണ്ടിരിക്കുകയാണ്. തിങ്കളാഴ്ച 20 പേരാണ് വൈറസ് ബാധിച്ച് മരിച്ചത്. ചൈനയില്‍ 80,757 പേര്‍ക്കാണ് വൈറസ് ബാധ സ്ഥിരീകരിച്ചത്. ഇതില്‍ 60,093 പേര്‍ക്കു പൂര്‍ണമായും സുഖപ്പെട്ടതായാണ് കണക്ക്. 4,794 പേര്‍ ഇപ്പോഴും ഗുരുതരാവസ്ഥയില്‍ തുടരുന്നുണ്ട്. 22 പേര്‍ക്കു മാത്രമാണ് ചൈനയില്‍ പുതുതായി രോഗം സ്ഥിരീകരിച്ചത്. രണ്ടാഴ്ചയോളമായി ചൈനയില്‍ പുതിയ കേസുകള്‍ കുറഞ്ഞുവരികയാണ്.