മുംബൈ: ഇന്ത്യന്‍ എണ്ണ വിപണിയുടെ അമരക്കാരന്‍ മുകേഷ് അംബാനിക്ക് ഏഷ്യയിലെ അതിസമ്പന്നന്‍ പട്ടം നഷ്ടപ്പെട്ടു. കൊവിഡ് വൈറസ് ഭീതി കാരണം ആഗോള എണ്ണ വിപണിയിലേറ്റ തിരിച്ചടിയാണ് മുകേഷ് അംബാനിയെ ഏഷ്യയിലെ നമ്പര്‍വണ്‍ സമ്പന്നനെന്ന സ്ഥാനത്തുനിന്നു മാറ്റിയത്. ആലിബാബ ഗ്രൂപ്പിന്റെ സ്ഥാപകന്‍ ജാക് മായാണ് ഇപ്പോള്‍ ഏഷ്യയിലെ സമ്പന്നന്‍.
തിങ്കളാഴ്ച അംബാനിയുടെ വിപണി മൂല്യത്തില്‍നിന്ന് 5.8 ബില്യന്റെ ഇടിവാണ് രേഖപ്പെടുത്തിയത്. ഇതോടെ 44.5 ബില്യന്‍ ആസ്തിയോടെ ജാക് മാ ഒന്നാമതെത്തുകയായിരുന്നു.
അംബാനിയേക്കാള്‍ 2.6 ബില്യന്‍ യു.എസ് ഡോളര്‍ വരുമാനം കൂടുതലുണ്ട് ജാക് മായ്‌ക്കെന്നാണ് റിപ്പോര്‍ട്ട്. തിങ്കാളാഴ്ച റിലയന്‍സ് ഇന്‍ഡസ്ട്രീസിന്റെ ഓഹരിയില്‍ 12 ശതമാനം ഇടിവ് നേരിട്ടിരുന്നു. 10 വര്‍ഷത്തെ ഏറ്റവും വലിയ ഇടിവായിരുന്നു ഇത്.