വിഴിഞ്ഞം: കെ.എസ്.ആര്‍.ടി.സി ബസില്‍ ചാക്കില്‍ ഒളിപ്പിച്ച് കടത്തിയ ആയിരക്കണക്കിന് രൂപ വിലവരുന്ന നിരോധിത പാന്‍ മസാല ബസില്‍ കടത്തുകയായിരുന്ന യുവാവിനെ പൂവാര്‍ പോലിസ് പിടികൂടി. കോട്ടുകാല്‍ നെല്ലിമൂട് കുറ്റിക്കാട്ടില്‍ കുമാര്‍ (38) ആണ് അറസ്റ്റിലായത്. കളിയിക്കാവിളയില്‍ നിന്ന് ബസില്‍ കൊണ്ടുവന്ന ഉല്പന്നങ്ങള്‍ പൂവാര്‍ഡിപ്പോക്ക് സമീപത്ത് വെച്ച്  ഇന്നലെ  രാവിലെയാണ് പിടികൂടിയത്. പാന്‍ മസാല ഉള്‍പ്പെടെയുള്ളവ കടത്തുന്നതായ പരാതിയെ തുടര്‍ന്ന് വേഷം മാറി ബസില്‍ സഞ്ചരിച്ച പോലിസ് സീറ്റിനടിയില്‍ കണ്ട ചാക്ക്‌കെട്ട് പരിശോധിച്ചാണ് നിരോധിത പുകയില ഉല്പന്നങ്ങളും കടത്തുകയായിരുന്ന യുവാവിനെയും കസ്റ്റഡിയിലെടുത്തത്.