ബിര്‍ള ഇന്‍സ്റ്റിറ്റ്യൂട്ട് ഓഫ് ടെക്‌നോളജി ആന്‍ഡ് സയന്‍സ് (ബി.ഐ.ടി.എസ്- ബിറ്റ്‌സ്) പിലാനി, ഹൈദരാബാദ്, ഗോവ ക്യാംപസുകളില്‍ നടത്തുന്ന വിവിധ പ്രോഗ്രാമുകളിലേക്ക് ഈ മാസം 31 വരെ അപേക്ഷിക്കാം.
ഇന്റേഗ്രറ്റഡ് ഫസ്റ്റ് ഡിഗ്രി പ്രോഗ്രാമുകളിലെ എന്‍ജിനിയറിങ് (ബി ഇ), സയന്‍സ്(എം.എസ്.സി), ഫാര്‍മസി (ബിഫാം) പ്രവേശനത്തിനായി നടത്തുന്ന പ്രവേശന പരീക്ഷയ്ക്കാണ് (ബിറ്റ്‌സാറ്റ്) അപേക്ഷ ക്ഷണിച്ചത്.
എന്‍ജിനിയറിങ്ങില്‍ കെമിക്കല്‍, സിവില്‍, കംപ്യൂട്ടര്‍ സയന്‍സ്, ഇലക്ട്രിക്കല്‍ ആന്‍ഡ് ഇലക്ട്രോണിക്‌സ്, ഇലക്ട്രോണിക്‌സ് ആന്‍ഡ് കമ്യൂണിക്കേഷന്‍, ഇലക്ട്രോണിക്‌സ് ആന്‍ഡ് ഇന്‍സ്ട്രുമെന്റേഷന്‍, മെക്കാനിക്കല്‍, മാനുഫാക്ചറിങ്, ബയോടെക്‌നോളജി എന്നീ ബ്രാഞ്ചുകളുണ്ട്.
സയന്‍സ് വിഭാഗത്തില്‍ ബയോളജിക്കല്‍ സയന്‍സസ്, കെമിസ്ട്രി, ഇക്കണോമിക്‌സ്, മാത്തമാറ്റിക്‌സ്, ഫിസിക്‌സ്, ജനറല്‍ സ്റ്റഡീസ് എന്നീ എം.എസ്.സി കോഴ്‌സുകള്‍ ലഭ്യമാണ്. ബാച്ചിലര്‍ ഓഫ് ഫാര്‍മസി കോഴ്‌സും ഉണ്ട്.
കാംപസ് തിരിച്ചുള്ള കോഴ്‌സ് വിവരങ്ങള്‍, കുറഞ്ഞ വിദ്യാഭ്യാസ യോഗ്യത എന്നിവ ബിറ്റ്‌സാറ്റ് വെബ്‌സൈറ്റിലെ ബ്രോ ഷറില്‍ ലഭിക്കും. മെയ് 16-നും 25-നും ഇടയ്ക്ക് ഓണ്‍ലൈന്‍ കംപ്യൂട്ടര്‍ അധിഷ്ഠിത പരീക്ഷ തിരുവനന്തപുരത്ത് ഉള്‍പ്പെടെ നടത്തും.
അപേക്ഷാഫീസ്: ആണ്‍കുട്ടികള്‍ക്ക് 3,300 രൂപ. പെണ്‍കുട്ടികള്‍ക്ക് 2,800 രൂപ. അപേക്ഷയിലെ പിശകുകള്‍ തിരുത്താന്‍ ഏപ്രില്‍ ഒന്നുമുതല്‍ ആറുവരെ അവസരമുണ്ട്. പരീക്ഷാ സെന്ററുകള്‍ ഏപ്രില്‍ 9-ന് പ്രസിദ്ധീകരിക്കും. ഏപ്രില്‍ 18-നകം പരീക്ഷാ തിയതിയും വരും.
വിശദാംശങ്ങള്‍ക്കും വിജ്ഞാപനം ഉള്‍ക്കൊള്ളുന്ന ബ്രോഷറിര്‍ വായിക്കാനും www.bitsadmission.com സന്ദര്‍ശിക്കുക.