ന്യൂഡല്‍ഹി: പാര്‍ലമെന്റ് ബജറ്റ് സമ്മേളനത്തിന്റെ രണ്ടാംഘട്ടത്തിന് ഇന്നു തുടക്കം. ഏഴു പ്രവൃത്തിദിനം മാത്രം നീണ്ടുനിന്ന ആദ്യഘട്ട സെഷന്‍ കഴിഞ്ഞമാസം ഒന്‍പതിനു സമാപിച്ചിരുന്നു. ഇന്നു തുടങ്ങുന്ന സെഷന്‍ അടുത്തമാസം 12 വരെ നീണ്ടുനില്‍ക്കും. ആദ്യഘട്ടത്തില്‍ കാര്യമായ നടപടിക്രമങ്ങളൊന്നും നടന്നിരുന്നില്ല. നയപ്രഖ്യാപന പ്രസംഗത്തിനിടെ മുസ്‌ലിം ലീഗ് അംഗം ഇ. അഹമ്മദ് കുഴഞ്ഞുവീഴുകയും പിന്നീട് മരിക്കുകയും ചെയ്തതിനാല്‍ ഇതേ ചൊല്ലി രണ്ടുദിവസം സഭ സ്തംഭിച്ചിരുന്നു.
ഇ. അഹമ്മദിന്റെ മരണത്തിലുള്ള ദുരൂഹത അകറ്റണമെന്ന് പ്രതിപക്ഷം സമ്മേളനത്തില്‍ ആവശ്യപ്പെടും.