അടിമാലി: ഉണക്ക കഞ്ചാവുമായി വിദ്യാര്‍ഥികളടക്കം മൂന്ന് പേര്‍ അടിമാലി നാര്‍ക്കോട്ടിക്ക് എന്‍ഫോഴ്‌സ്‌മെന്റ് സ്‌ക്വാഡിന്റെ പിടിയിലായി. രണ്ട് കേസുകളിലായാണ് ഇവര്‍ പിടിയിലായത്.
 തൃശൂര്‍ ചാവക്കാട് നട്ടിക പേഴി വീട്ടില്‍ ബിബാഷ (21), നാട്ടിക തമ്പാന്‍കടവ് ചിലങ്കബീച്ച് മാറാട് പ്രജീഷ് പ്രതാപന്‍(22), ഉടുമ്പന്‍ചോല കുണാപുരം മേലാട്ട് പ്രവീണ്‍(32) എന്നിവരെയാണ് അടിമാലി നാര്‍കോട്ടിക് എന്‍ഫോഴ്‌സ്‌മെന്റ് സ്‌ക്വാഡ് ഇന്‍സ്‌പെക്ടര്‍ ഷാജി ജെ.വര്‍ഗ്ഗീസിന്റെ നേത്യത്വത്തിലുളള സംഘം പിടികൂടിയത്.
ഇവരുടെ കൈയില്‍ നിന്നും 1.330 കിലോ കഞ്ചാവ് പിടിച്ചെടുത്തു. പള്ളിവാസല്‍, തട്ടാത്തിമുക്ക് എന്നിവിടങ്ങളില്‍ നടത്തിയ റെയ്ഡിലാണ് ഇവര്‍ പിടിയിലായത്.
ചെറുപ്പക്കാര്‍ക്കും കോളജ് വിദ്യാര്‍ഥികള്‍ക്കും കഞ്ചാവ് എത്തിച്ച് നല്‍കുന്നതില്‍ മുഖ്യകണ്ണിയാണ് പ്രവീണ്‍. ഒരു ചെറുപൊതിക്ക് 500 രൂപയാണ്  ഈടാക്കിയിരുന്നത്.
 ഇന്‍സ്‌പെക്ടര്‍ എം.എസ്.സുനീഷ്, പ്രിവന്റീവ് ഓഫിസര്‍ സി.സി.സാഗര്‍, എസ്.സുനില്‍, കെ.ബി.സുനീഷ്, ആനൂപ് തോമസ്, അനീഷ് ജോണ്‍ എന്നിവരും സംഘത്തിലുണ്ടായിരുന്നു. പ്രതികളെ  കോടതിയില്‍ ഹാജരാക്കി.