ഇസ്‌ലാമാബാദ്: പരിശീലനത്തിനിടെ പാകിസ്താന്‍ വ്യോമസേനാ വിമാനം ഇസ്‌ലാമാബാദില്‍ തകര്‍ന്നുവീണു. അപകടത്തില്‍ പൈലറ്റ് മരിച്ചു. ഇന്നലെ രാവിലെയായിരുന്നു സംഭവം. പാകിസ്താന്‍ വ്യോമസേനയുടെ എഫ് 16 യുദ്ധവിമാനമാണ് ഇസ്‌ലാമാബാദിലെ ചെറുവനത്തില്‍ തകര്‍ന്നുവീണത്.
രാജ്യം റിപ്പബ്ലിക് ദിനം ആഘോഷിക്കാനിരിക്കെ, അതിനായുള്ള റിഹേഴ്‌സലിനിടെയായിരുന്നു അപകടമെന്നു പാക് വ്യോമസേന വ്യക്തമാക്കി. സംഭവത്തില്‍ മറ്റാര്‍ക്കും പരുക്കില്ലെന്നും നാശനഷ്ടങ്ങള്‍ റിപ്പോര്‍ട്ട് ചെയ്യപ്പെട്ടിട്ടില്ലെന്നും അധികൃതര്‍ അറിയിച്ചു. നുഅ്മാന്‍ അക്രം എന്ന വൈമാനികനാണ് അപകടത്തില്‍ മരിച്ചത്. 23ന് റിപ്പബ്ലിക് ദിനാഘോഷത്തിന്റെ ഭാഗമായി നടക്കുന്ന സൈനിക പരേഡിനായുള്ള പരിശീലനത്തിലായിരുന്നു വിമാനം.