മട്ടാഞ്ചേരി: സ്‌കൂള്‍ പരിസരത്ത് വില്‍പനക്കായി സൂക്ഷിച്ചിരുന്ന നിരോധിത പുകയില ഉല്‍പ്പന്നങ്ങള്‍ പൊലിസ് പിടിച്ചെടുത്തു. മട്ടാഞ്ചേരി ഗുജറാത്തി സ്‌കൂളിന് സമീപത്തെ കടയില്‍ നിന്നാണ് പതിനായിരം രൂപയോളം വിലമതിക്കുന്ന പുകയില ഉല്‍പന്നങ്ങള്‍ മട്ടാഞ്ചേരി അസി. കമ്മിഷണറുടെ സ്‌ക്വാഡ് പിടികൂടിയത്. സംഭവത്തില്‍ മയൂര്‍(31), ദീപക് അഖില്‍ ഷാ(62) എന്നിവര്‍ക്കെതിരേ മട്ടാഞ്ചേരി പൊലിസ് കേസെടുത്തു. സീനിയര്‍ സിവില്‍ പൊലിസ് ഓഫിസര്‍മാരായ രത്‌നകുമാര്‍, സതീശ് എന്നിവരുടെ നേതൃത്വത്തിലാണ് പുകയില ഉല്‍പന്നങ്ങള്‍ പിടികൂടിയത്.