കല്ലടിക്കോട്: സമസ്ത കേരള ജംഇയ്യത്തുല്‍ ഉലമ പ്രസിഡന്റ് സയ്യിദ് ജിഫ്രി മുത്തു കോയ തങ്ങള്‍ക്കും സെക്രട്ടറി ആലിക്കുട്ടി മുസ്‌ലിയാര്‍ക്കും ട്രഷറര്‍ സി.കെ.എം സ്വാദിഖ് മുസ്‌ലിയാര്‍ക്കുമുള്ള സ്വീകരണ സമ്മേളനം വിജയിപ്പിക്കാന്‍ കോങ്ങാട് മണ്ഡലം സമസ്തയുടെയും പോഷക ഘടകങ്ങളുടെയും യോഗം തീരുമാനിച്ചു. വിജയത്തിനാവശ്യമായ പ്രചാരണ പ്രവര്‍ത്തനങ്ങള്‍ നടത്താന്‍ യോഗം ആഹ്വാനം ചെയ്തു. സമസ്ത മണ്ഡലം പ്രസിഡന്റ് കല്ലടി അബൂബക്കര്‍ മുസ്‌ലിയാര്‍ അധ്യക്ഷനായി. എസ്.കെ.ജെ.എം ജില്ലാ സെക്രട്ടറി സി. മുഹമ്മദലി ഫൈസി ഉദ്ഘാടനം ചെയ്തു. സെക്രട്ടറി ടി.എച്ച് സുലൈമാന്‍ ദാരിമി സ്വാഗതം പറഞ്ഞു. അന്‍വര്‍ സാദിഖ് ഫൈസി കാഞ്ഞിരപ്പുഴ, അബ്ദുല്‍ ഹമീദ് ദാരിമി, അബ്ദുറഹീം ഫൈസി, കെ.എം മുസ്തഫ ഫൈസി, വി. മുഹമ്മദ് ഫൈസി, അബ്ദുല്‍ ഹകീം ഫൈസി, ഹമീദ് ഹാജി, വീരാന്‍ ഹാജി, ടി.കെ സുബൈര്‍ മുസ്‌ലിയാര്‍, പി. അശ്‌റഫ് മുസ്‌ലിയാര്‍ പ്രസംഗിച്ചു. എന്‍.എ സലീം ഫൈസി നന്ദി പറഞ്ഞു.