കൊടുവള്ളി :കിഴക്കോത്ത് മൂന്നാം വാര്‍ഡിലെ പന്ന്യങ്ങാട്ട് പുറായില്‍ ഹരിജന്‍ കോളനിയിലേക്കുള്ള കുടിവെള്ള പദ്ധതിയുടെ ടാങ്കില്‍ചത്ത പൂച്ചയെ തള്ളിയതായി പരാതി. കഴിഞ്ഞ രണ്ട് ദിവസമായി വെള്ളത്തിന് ദുര്‍ഗന്ധം വന്നപ്പോള്‍ ടാങ്ക് പരിശോധിച്ചപ്പോഴാണ് ചത്ത പൂച്ചയെ കണ്ടെത്തിയത്. ടാങ്കിന് മുകളിലിട്ട ഭാരമുള്ള മൂടി പൊക്കിയാണ് പൂച്ചയെ തള്ളിയത്. നെല്ലിക്കാം കണ്ടിയിലെ 35ഓളം കുടുംബങ്ങള്‍ ഈ വെള്ളം ഉപയോഗിക്കുന്നുണ്ട്. ആരോഗ്യ വകുപ്പ് അധികൃതരും പോലിസും സംഭവസ്ഥലത്തെത്തി.