ന്യൂഡല്‍ഹി: കൊവിഡ് ബാധയുടെ പശ്ചാത്തലത്തില്‍ കേന്ദ്ര മന്ത്രിമാര്‍ വിദേശയാത്രകള്‍ ഒഴിവാക്കുമെന്ന് പ്രധാനമന്ത്രി നരേന്ദ്രമോദി. രാജ്യത്തുള്ളവര്‍ എല്ലാവരുംതന്നെ പരമാവധി വിദേശ യാത്രകള്‍ ഒഴിവാക്കണം. ആളുകള്‍ ഒരുമിച്ച് കൂടുന്ന സാഹചര്യം ഇല്ലാതാക്കണം.പേടിയല്ല മുന്‍കരുതലാണ് ആവശ്യമെന്നും പ്രധാനമന്ത്രി പറഞ്ഞു.

കേന്ദ്ര സര്‍ക്കാറിലെ വിവിധമന്ത്രാലയങ്ങളും സംസ്ഥാനങ്ങളും സുരക്ഷ ഉറപ്പാക്കാനുള്ള ശ്രമത്തിലാണ്. വിസ റദ്ദാക്കുന്നതുള്‍പ്പടെയുള്ള നടപടികളിലേക്ക് കേന്ദ്രസര്‍ക്കാര്‍ നീങ്ങിയിട്ടുണ്ടെന്നും അദ്ദേഹം പറഞ്ഞു. ഇന്ത്യയില്‍  കൊവിഡ് ബാധിതരുടെ എണ്ണം 70 കഴിഞ്ഞിട്ടുണ്ട്.