തിരുവനന്തപുരം: പ്രതിപക്ഷ നേതാവ് രമേശ് ചെന്നിത്തലയുടെ 'മീഡിയ മാനിയ' ആരോപണത്തിന് മറുപടിയുമായി ആരോഗ്യമന്ത്രി കെ.കെ ശൈലജ.കല്ലേറുകള്‍ അതിന്റെ പാട്ടിന് പോകട്ടെ. കൊവിഡ് 19 യുദ്ധമാണ്. മരിക്കാതിരിക്കലാണ് പ്രതിരോധമെന്ന് ആരോഗ്യമന്ത്രി പറഞ്ഞു. തനിക്ക്  ജനങ്ങളില്‍ നിന്നും വലിയ പിന്തുണലഭിക്കുന്നുണ്ടെന്ന് മന്ത്രി കൂട്ടിചേര്‍ത്തു.

ഒരു ദിവസം പല തവണ ആരോഗ്യമന്ത്രി മാധ്യമങ്ങളെ കാണുന്നു. അത് ഒഴിവാക്കണം. ആരോഗ്യമന്ത്രിയുടെ മീഡിയാ മാനിയയും ഇമേജ് ബില്‍ഡിങ് അവസാനിപ്പിക്കണമെന്നും ചെന്നിത്തല പറഞ്ഞിരുന്നു.

സര്‍ക്കാര്‍ നടപടികളില്‍ ഏതെങ്കിലും തരത്തില്‍ വീഴ്ച ഉണ്ടായാല്‍ ചൂണ്ടിക്കാട്ടാനുള്ള ഏക വേദിയാണ് നിയമസഭ. ഇതാണ് പ്രതിപക്ഷം കഴിഞ്ഞദിവസം സഭയില്‍ ഉന്നയിച്ചത്. എന്നാല്‍ ആരോഗ്യമന്ത്രി സോഷ്യല്‍ മീഡിയയിലൂടെ വളരെ മോശമായ പ്രചാരണമാണ് നടത്തിയതെന്നും ചെന്നിത്തല പറഞ്ഞു.