പാലക്കാട്: പുതുശേരി വൈസ് പാര്‍ക്കില്‍ പ്രവര്‍ത്തിക്കുന്ന പെപ്‌സി കോള കമ്പനിയുടെ അമിത ജലചൂക്ഷണവുമായി ബന്ധപെട്ടു പരാതികള്‍ ലഭിച്ചതിന്റെ അടിസ്ഥാനത്തില്‍, ജില്ലാ പെപ്‌സികോ പ്ലാന്റില്‍ അന്വേഷണം നടത്താന്‍ പോയ മുതിര്‍ന്ന പരിസ്ഥിതി പ്രവഖഉപത്തകനു കലക്ടര്‍ ചെയര്‍മാനായിട്ടുള്ള പരിസ്ഥിതി കാവല്‍ സംഘം മെമ്പറുമായ ഡോ. പി.എസ് പണിക്കരെയും, ആഗോളതലത്തില്‍ കോളകള്‍ക്കെതിരേ ക്യാംപയ്ന്‍ നടത്തുന്ന അമിത് ശ്രീവാസ്തവയെയുമാണ്  മുഖ്യ കവാടത്തില്‍ തടഞ്ഞത്. അരമണിക്കൂറോളം കാത്തിരുന്ന ശേഷം  കമ്പനിയുടെ മാനേജര്‍ക്ക് രേഖാമൂലം പ്രവേശനാനുമതിക്കായി കത്ത് നല്‍കിയെങ്കിലും അകത്തേക്ക് പ്രവേശനം നിഷേധിച്ചു.
 കഴിഞ്ഞ മാസം നാലു മുതല്‍ കമ്പനി പ്രവര്‍ത്തനം നിര്‍ത്തി വെച്ചതായി  തൊഴിലാളികള്‍ പറയുന്നുണ്ടെങ്കിലും രാത്രി സമയത്തും പ്രവര്‍ത്തിക്കുകയും ഉല്‍പന്നങ്ങള്‍ കയറ്റി പോകുകയും ചെയ്യുന്നുണ്ടെന്ന് നാട്ടുകാര്‍ പരാതി പെട്ടതിനെ അടിസ്ഥാനത്തിലാണ് പണിക്കര്‍ സ്ഥലത്തെത്തി അന്വേഷണം നടത്താന്‍ പോയത്.
ഇപ്പോഴും കമ്പനി ദിവസം ആറ് ലക്ഷം ലിറ്റര്‍ വെള്ളം ഉപയോഗിച്ച് പ്രവര്‍ത്തിക്കുന്നതായി പണിക്കര്‍ ആരോപിച്ചു. എന്നാല്‍ ഇന്നലെ ആറ് ലക്ഷം ലിറ്റര്‍ വെള്ളം ഉപയോഗിക്കാന്‍ ഹൈകോടതി അനുമതി ലഭിച്ചിട്ടുണ്ടെന്ന് പെപ്‌സികോ വാര്‍ത്താകുറിപ്പില്‍  അറിയിച്ചു. പെപ്‌സികമ്പനിക്കെതിരേ  നിയമസഭയില്‍  ജലസേചന വകുപ്പുമന്ത്രി നിലകൊണ്ടിരുന്നു. അതിരൂക്ഷമായ വരള്‍ച്ചയില്‍ ജില്ലയിലെ ജനങ്ങള്‍ കുടിവെള്ളം കിട്ടാതെ പൊരിയുമ്പോള്‍ ബഹുരാഷ്ട്ര ഭീമനായ പെപ്‌സിക്ക് വെള്ളമൂറ്റാന്‍ അനുമതി നല്‍കിയ ഹൈകോടതി വിധിക്കെതിരെ സര്‍ക്കാര്‍ മേല്‍ക്കോടതിയെ സമീപിക്കണമെന്നും ഡോ. പി.എസ് പണിക്കര്‍ വാര്‍ത്ത കുറിപ്പില്‍ ആവശ്യപ്പെട്ടു.