വടക്കാഞ്ചേരി: വാഴാനി ഡാം പരിസരത്ത് ഡീസല്‍ മോഷ്ടാക്കള്‍ വിലസുന്നു. സര്‍വ്വീസ് പൂര്‍ത്തിയാക്കി നിര്‍ത്തിയിടുന്ന സ്വകാര്യ ബസുകളില്‍ നിന്നാണ്  ഡീസല്‍ പതിവായി ഊറ്റി എടുക്കുന്നത്. ബസുകളുടെ മുന്‍വശത്തെ പ്രധാന പൈപ്പ് ഊരിയെടുത്താണ് മോഷണം.
ഡാമിനോട് ചേര്‍ന്ന് പൊതുവെ വിജനമായ പ്രദേശത്താണ് ബസുകളുടെ പാര്‍ക്കിങ് എന്നത് മോഷ്ടാക്കള്‍ക്ക് അനുഗ്രഹമാകുന്നു. കഴിഞ്ഞ ദിവസം രണ്ട് ബസുകളില്‍ നിന്നായി 85 ലിറ്റര്‍ ഡീസലാണ് ഈറ്റിയെടുത്തത്.  പരാതിയെ തുടര്‍ന്ന് പൊലിസ് അന്വേഷണം ആരംഭിച്ചു.