പള്ളിക്കല്‍: വെള്ളക്കെട്ടില്‍ മുങ്ങിത്താഴുകയായിരുന്ന രണ്ട് അധ്യാപകരുടെ ജീവന്‍ രക്ഷിച്ച പെരുവള്ളൂരിലെ ജി.എച്ച്.എച്ച്.എസ് സ്‌കൂളിലെ വിദ്യാര്‍ഥിയായ നവാസിനെ എം.എസ്.എഫ് നടുക്കര യൂനിറ്റ് കമ്മിറ്റി ആദരിച്ചു. കഴിഞ്ഞ 2ന് തൃശൂരില്‍ നിന്നും വിനോദ യാത്രക്കെത്തിയ അധ്യാപക സംഘത്തിലെ രണ്ട് പേര്‍ ആഡ്യന്‍പാറയിലെ വെള്ളക്കെട്ടില്‍ മുങ്ങിത്താഴുന്നത് കണ്ട നവാസ് വെള്ളക്കെട്ടിലേക്ക് എടുത്ത് ചാടി രക്ഷിക്കുകയായിരുന്നു. വള്ളിക്കുന്ന് മണ്ഡലം എം.എസ്.എഫ് ജനറല്‍ സെക്രട്ടറി റാഷിദ് പഴേരി ഉപഹാരം നല്‍കി. സി.കെ സാദിഖലി, കെ.പി ഷിബിറലി, ടി.പി അക്ബര്‍, കെ.ഷബീര്‍, ടി മുര്‍ത്തള, എം അനസ്, എം ഇര്‍ഷാദ്, ടി.കെ അനസ്, റാഷിദലി, എന്‍.കെ അജ്മല്‍, സി.കെ ഖൈസ്, പി റാഷിദ് സംസാരിച്ചു.