തിരൂരങ്ങാടി: ലോക വനിതാദിനത്തോടനുബന്ധിച്ചു തിരൂരങ്ങാടി പി.എസ്.എം.ഒ കോളജ് വിമണ്‍ സെല്ലിന്റെ ആഭിമുഖ്യത്തില്‍ വിദ്യാര്‍ഥിനികള്‍ക്കായി ഫോട്ടോഗ്രഫി ശില്‍പശാല സംഘടിപ്പിച്ചു. നിലമ്പൂര്‍ ട്രോഗണ്‍ മീഡിയ സ്‌കൂളിന്റെ സഹകരണത്തോടെ സംഘടിപ്പിച്ച  ശില്‍പശാല പ്രിന്‍സിപ്പല്‍ എന്‍ അബ്ദുറഹിമാന്‍ ഉദ്ഘാടനം ചെയ്തു. വിമണ്‍ സെല്‍ കണ്‍വീനര്‍ ശരീഫ ബീഗം അധ്യക്ഷയായി.  നൂറ മുഹമ്മദ് കുട്ടി, ബുഷ്‌റാബീവി കെ.കെ, പി.കബീറലി, മുഹമ്മദ് റിഷാദ്, ഇര്‍ഷാദ് പി.വി തുടങ്ങിയവര്‍ സംസാരിച്ചു. വി.എം.സാദിഖലി, സയ്യിദ് നൗഫല്‍, ഹാഷിര്‍ ഹുസൈന്‍, ആഖില്‍ റഹ്മാന്‍, അഫലഹ് പി, ഹുസൈന്‍ എന്നിവര്‍  നേതൃത്വം നല്‍കി. കോളജിലെ വിമണ്‍ സെല്ലും ഭൂമിത്രസേന ക്ലബും  സംയുക്തമായി വിദ്യാര്‍ഥികളുടെ നേച്ചര്‍ ഫോട്ടോഗ്രാഫി എക്‌സിബിഷനും സംഘടിപ്പിച്ചു. നദീറ കെ.കെ., മര്‍ജാന, അസൈന്‍ ആസാദ്, മുഹമ്മദ് ടി സി, ഷഹല  കെ, ഫവാസ് പി കെ തുടങ്ങിയവര്‍ സംസാരിച്ചു.