ന്യൂഡല്‍ഹി: രാജ്യത്തെ ആദ്യ വനിതാ യുദ്ധവിമാന പൈലറ്റുകള്‍ ഇന്ത്യന്‍ എയര്‍ഫോഴ്‌സില്‍ കമ്മിഷന്‍ ചെയ്തു. ഭാവനാ കാന്ത്, അവാനി ഛതുവേദി, മോഹന സിങ് എന്നിവരാണ് ചരിത്രം കുറിച്ചത്.

മൂവരും പരിശീലനത്തിന്റെ ആദ്യഘട്ടം പൂര്‍ത്തിയാക്കിക്കഴിഞ്ഞു. 150 മണിക്കൂര്‍ വീതം യുദ്ധവിമാനം പറത്തിയ ഇവര്‍ക്ക് ഇനിയുള്ള ആറു മാസം ജെറ്റ് യുദ്ധവിമാനത്തിലായിരിക്കും പരിശീലനം. അതിനുശേഷം സൈനിക ജോലിയില്‍ ഇവരും പങ്കാളികളാകും.

വനിതാ പൈലറ്റുമാരെന്ന നിലയില്‍ ഒരു പരിഗണനയും ലഭിക്കില്ലെന്നും സൈനിക ആവശ്യത്തിനനുസരിച്ചായിരിക്കും നിയമനമെന്നും വ്യോമസേനാ മേധാവി അരൂപ് റാഹ നേരത്തെ വ്യക്തമാക്കിയിരുന്നു.