തിരുവനന്തപുരം: 2015 ഓഗസ്റ്റില്‍ ആരംഭിച്ച എച്ച്.ഡി.സി ആന്‍ഡ് ബി.എം കോഴ്‌സിന്റെ രണ്ടാം സെമസ്റ്റര്‍, ഒന്നാം സെമസ്റ്റര്‍ (ഇംപ്രൂവ്‌മെന്റ്) എച്ച്.ഡി.സി ആന്‍ഡ് ബി.എം (2008 - 2013) സ്‌കീം ഒന്നും രണ്ടും സെമസ്റ്റര്‍ പരീക്ഷകള്‍ ഓഗസ്റ്റ് ഒന്നിന് ആരംഭിക്കും.
എച്ച്.ഡി.സി ആന്‍ഡ് ബി.എം (2014) സ്‌കീമിന്റെ ഒന്നും രണ്ടും സെമസ്റ്റര്‍ പരീക്ഷകള്‍ക്ക് പരീക്ഷാഫീസ് പേപ്പര്‍ ഒന്നിന് 100 രൂപ ക്രമത്തില്‍ ഓരോ സെമസ്റ്ററിനും 500 രൂപ വീതവും എച്ച്.ഡി.സി ആന്‍ഡ് ബി.എം ഓള്‍ഡ് (2008-13) സ്‌കീം പരീക്ഷകള്‍ക്ക് പേപ്പര്‍ ഒന്നിന് 100 രൂപ വീതവും അതത് സഹകരണ പരിശീലന കോളജുകളില്‍ 23 മുതല്‍ സ്വീകരിക്കും.
പരീക്ഷാ ഫീസിനോടൊപ്പം അപേക്ഷാഫോറം, ഹാള്‍ടിക്കറ്റ്, മാര്‍ക്ക് ലിസ്റ്റ് എന്നിവയ്ക്ക് ഓരോന്നിനും 50 രൂപ നിരക്കില്‍ 150 രൂപയും അടയ്ക്കണം. പരീക്ഷാഫീസും അപേക്ഷയും ജൂലൈ നാലു വരെ പിഴയില്ലാതെയും 25 രൂപ പിഴയോടുകൂടി ജൂലൈ 11 വരെയും സ്വീകരിക്കും.