തൊടുപുഴ: ലൈബ്രറി കൗണ്‍സില്‍ തൊടുപുഴ താലൂക്ക് കമ്മിറ്റിയുടെ ആഭിമുഖ്യത്തില്‍ തൊടുപുഴ സെന്റ് സെബാസ്റ്റിയന്‍സ് ഹൈസ്‌കൂളില്‍ ഗാന്ധി സ്മൃതി സദസ് സംഘടിപ്പിച്ചു.
കവി കുരീപ്പുഴ ശ്രീകുമാര്‍ ഉദ്ഘാടനം ചെയ്തു.സ്വാതന്ത്രത്തിനു മുന്‍പും അതിനു ശേഷവും സഹിഷ്ണുതയ്ക്കും സാഹോദര്യത്തിനും മാനവികതയ്ക്കും വേണ്ടി നിലകൊണ്ടതുകൊണ്ടാണ് മഹാത്മ ഗാന്ധി രക്തസാക്ഷിയാകേണ്ടി വന്നതെന്ന് കുരീപ്പുഴ ശ്രീകുമാര്‍ പറഞ്ഞു. പ്രത്യേക മതവിഭാഗത്തിന്റെ രാഷ്ട്രമാക്കി ഇന്ത്യയെ മാറ്റണമെന്ന പ്രഖ്യാപിത ലക്ഷ്യം നടപ്പാക്കുന്നതിന് തടസം ഗാന്ധിജിയാണെന്ന് തിരിച്ചറിഞ്ഞാണ് ഗാന്ധി വധം ആസൂത്രണം ചെയ്തതും നടപ്പാക്കിയതും. മഹാത്മജിയുടെ ജീവന്‍ അപഹരിച്ച വെടിയുണ്ടകള്‍ കഴിഞ്ഞ ഏഴു പതിറ്റാണ്ടായി ഗര്‍ജ്ജിച്ചു കൊണ്ടേയിരിക്കുന്നുവെന്നും അതിനെതിരെ ജനാധിപത്യശക്തികള്‍ ജാഗ്രത പുലര്‍ത്തണമെന്നും കവി അഭ്യര്‍ത്ഥിച്ചു. യോഗത്തില്‍ സ്‌റ്റേറ്റ് ലൈബ്രറി കൗണ്‍സില്‍ എക്‌സിക്യുട്ടീവ് അംഗം കെ എം ബാബു അധ്യക്ഷനായി .സ്‌കൂള്‍ മാനേജര്‍ ഫാ. ജിയോ തടികാട്ട്, മുതലക്കോടം ജയ്ഹിന്ദ് ലൈബ്രറി പ്രസിഡണ്ട് കെ സി സുരേന്ദ്രന്‍, അല്‍ഫിദ് കെ ഖാദര്‍ സിസ്റ്റര്‍ ലിസ ലൈബ്രറി കൗണ്‍സില്‍ താലുക്ക് സെക്രട്ടറി പി കെ സുകുമാരന്‍ എന്നിവര്‍സ സാസാരിച്ചു.