കൊല്ലങ്കോട്: ഒന്നരക്കിലോ കഞ്ചാവുമായി യുവാക്കള്‍ പിടിയില്‍. മലപ്പുറം ജില്ല പെരിന്തല്‍മണ്ണ മൂര്‍ക്കനാട് കുളത്തൂര്‍ മമ്മാരന്‍ വീട്ടില്‍ ഹംസ മകന്‍ ജലീല്‍ (26), പെരിന്തല്‍മണ്ണ മൂര്‍ക്കനാട് കുളത്തൂര്‍ പാച്ചു മകന്‍ പി.കെ മനേഷ് (31) എന്നിവരെയാണ് ഒന്നരക്കിലോ കഞ്ചാവുമായി അറസ്റ്റ് ചെയ്തത്. ഇന്നലെ രാത്രി ഗോവിന്ദാപുരത്ത് എക്‌സൈസ് സംഘത്തിന്റെ പരിശോധനയിലാണ് പഴനി ഗുരുവായൂര്‍ കെ.എസ്.ആര്‍.ടിസിയില്‍ വെച്ച് കഞ്ചാവ് സഹിതം യുവാക്കള്‍ പിടിയിലായത്. എക്‌സൈസ് ഇന്‍സ്‌പെക്ടര്‍ കെ.എസ് പ്രശോഭ്, പ്രിവന്റീവ് ഓഫിസര്‍ കെ. ജയപ്രകാശ്, സിവില്‍ എക്‌സൈസ് ഓഫിസര്‍മാരായ കെ. ദിലീപ്, കെ. പുഷ്‌കരന്‍, ടി.കെ മഹേഷ്, കെ. ഉണ്ണിക്കൃഷ്ണന്‍ ഡ്രൈവര്‍ കെ. കണ്ണദാസന്‍ പരിശോധനയില്‍ പങ്കെടുത്തു.