ആലപ്പുഴ: കൊവിഡ് ലക്ഷണങ്ങളെ തുടര്‍ന്ന് നിരീക്ഷണത്തിലിരിക്കേ, മെഡിക്കല്‍ കോളജ് ആശുപത്രിയില്‍ നിന്ന് മുങ്ങിയ വിദേശ ദമ്പതികളെ കണ്ടെത്തി. വര്‍ക്കലയില്‍ നിന്നാണ് ദമ്പതികളെ കണ്ടെത്തിയത്.

ആലപ്പുഴ മെഡിക്കല്‍ കോളജില്‍ നിന്നാണ് ഇവര്‍ മുങ്ങിയത്. രോഗലക്ഷണങ്ങള്‍ കണ്ടതിനെ തുടര്‍ന്ന് ഇവരോട് ഐസോലേഷന്‍ വാര്‍ഡിലേക്ക് മാറാന്‍ ഡോക്ടര്‍മാര്‍ ആവശ്യപ്പെട്ടിരുന്നു. ഇതിന് പിന്നാലെയാണ് ഇവര്‍ കടന്നുകളഞ്ഞത്. ട്രെയിനില്‍ കായംകുളം ഭാഗത്തേയ്ക്ക് പോയതായാണ് പ്രാഥമിക അന്വേഷണത്തില്‍ കണ്ടെത്തിയത്. പൊലീസ് നടത്തിയ ഊര്‍ജിതമായ തെരച്ചിലിലാണ് ഇവരെ കണ്ടെത്തിയത്.