കായംകുളം: മൂന്നര വയസുകാരനെ കുളത്തില്‍ വീണ് മരിച്ച നിലയില്‍ കാണപ്പെട്ടു. കൊറ്റുകുളങ്ങരയിലെ ഗ്യാസ് ഏജന്‍സി ഉടമയും കോണ്‍ഗ്രസ് നേതാവുമായ ഷാനി മന്‍സിലില്‍ ഷാജിയുടെ മകന്‍ അയാനാണ് (3) വീടിനോട് ചേര്‍ന്നുള്ള മീന്‍ വളര്‍ത്തുന്ന കുളത്തില്‍ വീണ് മരിച്ചത്.

മുഹദ്ദീന്‍ പള്ളിക്കു സമീപമുള്ള നഴ്‌സറി സ്‌കൂളില്‍ നിന്നും ഇന്നലെ വൈകിട്ട് മാതാവ് ഷമീനാ ബീഗം, കുട്ടിയെ വീട്ടില്‍ എത്തിച്ചു. പിന്നീട് കുട്ടിയെ കാണാതെ വന്നപ്പോള്‍ നടത്തിയ തിരച്ചിലിനൊടുവിലാണ് നാലു മണിയോടെ കുട്ടിയെ കുളത്തില്‍ മുങ്ങിയ നിലയില്‍ കണ്ടെത്തിയത്. ഉടന്‍ തന്നെ താലൂക്ക് ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. സഹോദരങ്ങള്‍ ആബിദ്, ആസിഫ്.