ബംഗളൂരു: വ്യോമസേനയുടെ മിറാഷ് -2000 യുദ്ധവിമാനം തകര്‍ന്നുവീണ് രണ്ട് മുതിര്‍ന്ന പൈലറ്റുമാര്‍ കൊല്ലപ്പെട്ടു. ഇന്നലെ രാവിലെ ബംഗളൂരുവിനടുത്ത യെമല്ലൂരിലെ ഹിന്ദുസ്ഥാന്‍ എയറോനോട്ടിക്‌സ് ലിമിറ്റഡിന്റെ റണ്‍വേയിലൂടെ പറക്കാനൊരുങ്ങുന്നതിനിടയിലായിരുന്നു അപകടം.
പൈലറ്റുമാരായ സ്‌ക്വാഡ്രന്‍ ലീഡര്‍മാരായ സമീര്‍ അബ്രോള്‍, സിദ്ധാര്‍ഥ് നെഗി എന്നിവരാണ് കൊല്ലപ്പെട്ടത്. ഇന്നലെ രാവിലെ 10.30നായിരുന്നു അപകടം. സീറ്റ് ബെല്‍റ്റ് ധരിച്ചതിനാല്‍ പൈലറ്റുമാര്‍ക്ക് പെട്ടെന്ന് രക്ഷപ്പെടാന്‍ കഴിഞ്ഞില്ലെന്നാണ് വിവരം. മിറാഷ് വിമാനങ്ങള്‍ പരിഷ്‌കരിക്കാന്‍ എച്ച്.എ.എല്‍ ശ്രമം തുടങ്ങിയിരുന്നു. അതിനിടയിലായിരുന്നു അപകടം. സംഭവത്തെക്കുറിച്ച് ഉന്നത തല അന്വേഷണത്തിന് ഉത്തരവിട്ടിട്ടുണ്ട്.
ഫ്രഞ്ച് നിര്‍മിതമായ മിറാഷ്-2000 യുദ്ധവിമാനങ്ങള്‍ ഇന്ത്യന്‍ വ്യോമസേനയുടെ പക്കല്‍ 50 എണ്ണമുണ്ട്. ഇതിലൊന്നാണ് ഇന്നലെ തകര്‍ന്നത്.