താമരശ്ശേരി: ഡി.വൈ.എഫ്.ഐ പ്രവര്‍ത്തകന്‍ തെയ്യപ്പാറ ഉള്ളാട്ട്പറമ്പില്‍ ആശിഖിനെ (21) വെട്ടിപ്പരുക്കേല്‍പ്പിച്ചു. കഴിഞ്ഞ ദിവസം ഉച്ചയോടെ കാരാടി വട്ടക്കുണ്ട്പാലത്തിനു സമീപം മൂന്ന് ബൈക്കുകളിലെത്തിയ ആറ് പേരടങ്ങുന്ന സംഘം ആശിഖ് സഞ്ചരിച്ച് ജീപ്പ് തടഞ്ഞു നിര്‍ത്തി വെട്ടിപ്പരുക്കേല്‍പ്പിക്കുകയായിരുന്നു. ആശിഖിനെ മുക്കം കമ്മ്യൂനിറ്റി ഹെല്‍ത്ത് സെന്ററില്‍ പ്രവേശിപ്പിച്ചു.
കഴിഞ്ഞ ദിവസങ്ങളില്‍ കോടഞ്ചേരിക്കടുത്ത് തെയ്യപ്പാറയില്‍ ഡി.വൈ.എഫ്.ഐ പ്രവര്‍ത്തകരും എസ്.ഡി.പി.ഐ പ്രവര്‍ത്തകരും തമ്മില്‍ സംഘര്‍ഷമുണ്ടായിരുന്നു.