റിയാദ്: കൊറോണ വാർഡുകളിൽ ജോലി ചെയ്യുന്ന പ്രിൻസ് സുൽത്താൻ മിലിറ്ററി മെഡിക്കൽ സിറ്റിയിലെ നഴ്സുമാർക്ക് ആത്മ ധൈര്യവും മാനസിക പിന്തുണയും നൽകുന്നതിന് സ്നേഹ സായാഹ്നം സംഘടിപ്പിച്ചു.  സുലൈ ഖാൻ ഇസ്തിറാഹയിൽ നടന്ന ചടങ്ങിൽ ഡോ. റിയാസ് പട്ടാമ്പി, ഡോ. ഫൈസൽ എന്നിവർ മോട്ടിവേഷൻ ക്ലാസ് നടത്തി.  പ്രിൻസ് സുൽത്താൻ മിലിട്ടറി മെഡിക്കൽ സിറ്റിയിലെ നഴ്സുമാരായ ബിൻസി ജോജി, ജ്യോതി കുരുവിള , സാലി സണ്ണി എന്നിവർ പകർച്ചവ്യാധിയെ സമചിത്ത തയോടെ എങ്ങനെ നേരിടണമെന്ന് സഹപ്രവർത്തകർക്ക് വിശദീകരിച്ചു.

തുടർന്നു ജീവനക്കാരുടെ കുടുംബങ്ങളുടെ വിവിധ കലാ പരിപാടികളും നാട്ടിൽ പോവുന്നവർക്ക് യാത്രയയപ്പും നടന്നു. പരിപാടിക്ക് സജാദ് കളത്തിങ്ങൽ, മനോജ് കുരുവിള എന്നിവർ നേതൃത്വം നൽകി.