കൊണ്ടോട്ടി:കേരളത്തിലെ വിദ്യാഭ്യാസ രീതിയില്‍ മനംകവര്‍ന്ന് കാശ്മീരിലെ അധ്യാപകര്‍. മുണ്ടക്കുളം സി.എച്ച്.എം.കെ.എം.യു.പി സ്‌കൂളില്‍ സംഘടിപ്പിച്ച 'നമ്മുടെ സാസ്‌കാരിക വൈവിധ്യം-സാംസ്‌കാരിക വിനിമയം പരിപാടിയിലാണ് ജമ്മു കാശ്മീര്‍ അധ്യാപരായ അബ്ദുല്‍ മാജിദ് വാനി, നാസിര്‍ അഹമ്മദ് റാത്തോര്‍, മുഹമ്മദ് സലീം ഖാന്‍ എന്നിവര്‍ പങ്കെടുത്തത്.സ്‌കൂള്‍ കുട്ടികളുമായി ഇവര്‍ കേരളം-കാശ്മീര്‍ വിദ്യാഭ്യാസ രീതികളെ കുറിച്ച് സംവാദം നടത്തി.
പാട്ടു പാടിയും കഥ പറഞ്ഞും കാശ്മീരി അധ്യാപകര്‍ കുട്ടികളുടെ മനം കവര്‍ന്നു.കാശ്മീരി കാലാവസ്ഥയെ കുറിച്ചായിരുന്ന കുരുന്നുകളുടെ കൂടുതല്‍ സംശയം. അബ്ദുല്‍ മാജിദ് വാനി ഉദ്ഘാടനം ചെയ്തു. സ്‌കൂള്‍ പ്രധാനാധ്യാപകന്‍ എന്‍. ദാസന്‍ അധ്യക്ഷനായി. കോട്ട വീരാന്‍കുട്ടി, നാസിര്‍ അഹമ്മദ് ,മുഹമ്മദ് സലീം ഖാന്‍ ,സലാംമാസ്റ്റര്‍, മുഹമ്മദലി, അബ്ദുല്ല, നിര്‍മല്‍കുമാര്‍ ,മൊയ്തീന്‍ കുട്ടി സംസാരിച്ചു.