കാസര്‍കോട്: കോറോണ ബാധിത പ്രദേശമായ കര്‍ണ്ണാടകയിലെ കല്‍ബുര്‍ഗ്ഗിയില്‍ നിന്ന് വന്ന 87 ഓളം വിദ്യാര്‍ത്ഥികളെ ഇന്നലെ രാത്രി 10 ഓടെ മംഗളൂവിലെ കെ.എസ്.ആര്‍.ടി.സി ബസ് സ്റ്റാന്റില്‍ എത്തി. തുടര്‍ന്ന് അവരെ കാസര്‍കോട് ജില്ലാ കലക്ടറുടെ നിര്‍ദേശനുസരണം രണ്ട് ബസുകളിലായി കേരളത്തിലേക്ക് കൊണ്ടു വന്നു. ഇവരില്‍ കുറച്ച് പേരെ കാസര്‍കോട് ജനറല്‍ ആശുപത്രിയിലും ബാക്കിയുള്ളവരെ കാഞ്ഞങ്ങാട് ജില്ലാ ആശുപത്രിയിലും എത്തിച്ചു. ബാക്കിയുള്ള 33 പേര്‍ കണ്ണൂര്‍ സ്വദേശികളായിരുന്നു. അവരെ കണ്ണൂരില്‍ എത്തിക്കണമെന്ന് ജില്ലാ ഭരണകൂടം ആവശ്യപ്പെട്ടതനുസരിച്ച് ഒരു ബസ്സില്‍ ഇവരെ സുരക്ഷിതരായി ഇന്ന് രാവിലെ ആറു മണിയോടെ കൂടി കണ്ണൂരില്‍ എത്തിച്ചതായി കാസര്‍കോട് ജില്ലാ ട്രാന്‍സ്‌പോര്‍ട്ട് ഓഫിസര്‍ അറിയിച്ചു