തിരുവനന്തപുരം: കോളേജ് വിദ്യാഭ്യാസ ഡയരക്ടറേറ്റിന്റെ ലീഡ് പദ്ധതി പ്രകാരം ലണ്ടനിലെ കാര്‍ഡിഫ് സര്‍വകലാശാലയില്‍ പരിശീലനത്തിന് പോയി മടങ്ങിയെത്തിയ കോളജ് യൂനിയന്‍ ചെയര്‍മാന്‍മാരും അധ്യാപകരും കൊവിഡ് നിരീക്ഷണത്തില്‍.
27 കോളജ് യൂനിയന്‍ ചെയര്‍മാന്‍മാരും യൂനിവേഴ്‌സിറ്റി കോളജ് പ്രിന്‍സിപ്പലടക്കം രണ്ട് അധ്യാപകരും കോളജ് വിദ്യാഭ്യാസവകുപ്പിലെ മൂന്ന് ഉദ്യോഗസ്ഥരുമാണ് കൊവിഡ് മുന്‍കരുതലിന്റെ ഭാഗമായി വീടുകളില്‍ നിരീക്ഷണത്തില്‍ കഴിയുന്നത്.
ഈ മാസം രണ്ടിനാണ് കാഡിഫ് സര്‍വകലാശാലയിലെ പരിശീലനത്തിന് സംഘം പോയത്. 10 നാണ് ഇവര്‍ തിരിച്ചെത്തിയത്. യൂനിവേഴ്‌സിറ്റി കോളജ് പ്രിന്‍സിപ്പല്‍ തിരിച്ചെത്തിയ ശേഷം രണ്ടു ദിവസം കോളജിലുമെത്തിയിരുന്നു. അതിന് ശേഷമാണ് കഴിഞ്ഞ ദിവസം മുതല്‍ നിരീക്ഷണത്തില്‍ കഴിയാന്‍ തുടങ്ങിയത്. രോഗം പടരുന്ന സാഹചര്യത്തില്‍ രണ്ടാം സംഘത്തിന്റെ ലണ്ടന്‍ യാത്ര റദ്ദാക്കി.