റിയാദ്: റിയാദ് കെഎംസിസി മലപ്പുറം ജില്ലാ വെൽഫെയർ വിങ് റിയാദ് ബത്ത ന്യൂ സഫ മക്ക പോളിക്ലിനിക്കുമായി സഹകരിച്ച് സൗജന്യ വൃക്കരോഗ നിർണ്ണയ ക്യാമ്പ് സംഘടിപ്പിച്ചു. അന്താരാഷ്ട്ര വൃക്ക ദിനത്തോടനുബന്ധിച്ച് നടത്തി വന്ന 'പരിരക്ഷ' ദ്വൈവാര ആരോഗ്യ ബോധവത്കരണ കാമ്പയിനിൻ്റെ ഭാഗമായാണ് സൗജന്യ വൃക്ക രോഗ നിർണ്ണയ ക്യാമ്പ് സംഘടിപ്പിച്ചത്. മുൻകൂട്ടി ഓൺലൈനായി രജിസ്റ്റർ ചൈയ്ത മുന്നൂറോളം ആളുകൾ പങ്കെടുത്തു. പ്രവാസികൾക്കിടയിൽ വൃക്ക രോഗികളുടെ എണ്ണം വർദ്ധിച്ച് വരുന്ന സാഹചര്യത്തിൽ വൃക്ക രോഗത്തിൻ്റെ കാരണങ്ങളെയും പ്രതിരോധ മാർഗ്ഗങ്ങളെയും കുറിച്ച് അവബോധം സൃഷ്ടിക്കുക എന്ന ലക്ഷ്യത്തോടെയാണ് മലപ്പുറം ജില്ലാ കെഎംസിസി വെൽഫെയർ വിങ് കാമ്പയിൻ സംഘടിപ്പിച്ചത്. 2020 ഫെബ്രുവരി 28 ന് ആരംഭിച്ച "പരിരക്ഷ"കാമ്പയിനിൻ്റെ ഭാഗമായി ലഘുലേഖ വിതരണം, റിയാദിലെ മുഖ്യധാരാ സംഘടനാ പ്രതിനിധികളെ സംഘടിപ്പിച്ച് ടേബ്ൾ ടോക്ക്, കൺവെൻഷനുകൾ, തുടങ്ങി വിവിധ പരിപാടികൾ സംഘടിപ്പിച്ചു.
     കാമ്പയിൻ സമാപനത്തോടനുബന്ധിച്ച് ന്യൂ സഫാ മക്ക പോളിക്ലിനിക്കിൽ നടന്ന ക്യാമ്പിൽ ഇവിടുത്തെ ഡോക്ടർമാരായ ഡോ: ഭരതൻ, ഡോ: ഷാനവാസ് അക്ബർ, ഡോ: റെജി കുര്യൻ, ഡോ.ഇoത്തിസൽ എന്നിവരുടെ നേതൃത്വത്തിൽ ഹെൽത്ത് സ്ക്രീനിംഗ് ടെസ്റ്റ്, ലാബ് ടെസ്റ്റുകൾ, ബോഡി ഫിറ്റ്നസ്സ് റിപ്പോർട്ട് തുടങ്ങിയവ നൽകി. ന്യൂ സഫാ മക്കാ പ്രതിനിധികളായ വി എം അഷ്റഫ്, അഡ്വ: അനീർ ബാബു, ശരത്,നജീബ്, അദീബ്, സിനി ജോൺസൻ, നഈമ, ജിഷ, അർഷാദ്, ഗിരീഷ്, ഷംസിയ, ഷൈനി, ഷാഫി, ജംഷീർ പികെ, വെൽഫെയർ വിങ് പ്രതിനിധികളായ റഫീഖ് മഞ്ചേരി, ഷറഫു പുളിക്കൽ, റിയാസ് തിരൂർ കാട്, റഫീഖ് ചെറുമുക്ക്, യൂനസ് കൈതക്കോടൻ, ഷാഫി ചിറ്റത്തുപാറ, ഷാഫി കരുവാരകുണ്ട്, ഇഖ്ബാൽ തിരൂർ, സലീം സിയാംകണ്ടം, ഫൈസൽ തോട്ടത്തിൽ, ഇസ്മയിൽ പടിക്കൽ, ഇസ്ഹാഖ് താനൂര്, യൂനുസ് നാനാത്ത്, കരീം താനൂർ, മുത്തു കട്ടുപ്പാറ, പി. പി ഇസ്മായിൽ താനൂർ, ഫിറോസ് ചീക്കോട്, അബൂട്ടി തുവൂർ, ഉസ്മാൻ ചെറുമുക്ക്, മുബാറക്ക് ഒളവട്ടൂർ, അനീസ് സിയാംകണ്ടം, ഷറഫു വള്ളിക്കുന്ന് തുടങ്ങിയവർ നേതൃത്വം നൽകി.