പാപ്പിനിശ്ശേരി, മാങ്ങാട്: മേഖലയില്‍ നടന്ന രണ്ട് വ്യത്യസ്ത വാഹനാപടങ്ങളില്‍ ഒരാള്‍ക്ക് ഗുരുതര പരുക്ക്.
ദേശീയ പാതയില്‍ മാങ്ങാട് ഓട്ടോയും പിക്കപ്പ് വാനും കൂട്ടിയിടിച്ചുണ്ടായ അപകടത്തില്‍ ഒരാള്‍ക്ക് പരുക്ക്. മുണ്ടേരി സ്വദേശിയായ കെ.സനൂപി(35) നാണ് ഗുരുതരമായി പരുക്കേറ്റത്. വെള്ളി പുലര്‍ച്ചെ അഞ്ച് മണിയോടെ മാങ്ങാട് രജിസ്റ്റാര്‍ ഓഫിസിനു സമീപത്താണ് സംഭവം. കണ്ണൂരില്‍ നിന്നും തളിപ്പറമ്പ് ഭാഗത്തേക്ക് ബേക്കറി സാധനങ്ങളുമായി പോകുന്ന ഓട്ടോറിക്ഷയും കണ്ണൂര്‍ ഭാഗത്തേക്ക് പോകുന്ന പിക്കപ്പ് വാനുമാണ് കൂട്ടിയിടിച്ചത്. അപകടത്തില്‍ ഗുരുതര പരിക്കുപറ്റിയ സനൂപിനെ സഹകരണ ആശുപത്രിയില്‍അടിയന്തിര ശസ്ത്രക്രയയ്ക്ക് വിധേയനാക്കി.
പാപ്പിനിശ്ശേരി കീച്ചേരി കവലയില്‍ പുലര്‍ച്ചെ നിയന്ത്രണം വിട്ട കാര്‍ വൈദ്യുതി തൂണിലിടിച്ച് മറിഞ്ഞു. പുലര്‍ച്ചെ നാലോടെയാണ് സംഭവം. തളിപ്പറമ്പ് ഭാഗത്തേക്ക് പോകുന്ന കെ.എല്‍ 59 എഫ് 6000 എന്ന നിസാന്‍ കാറാണ് അപകടത്തല്‍ പെട്ടത്. കാറില്‍ ഉണ്ടായിരുന്ന നാല് യാത്രക്കാരും അത്ഭുതകരമായി രക്ഷപെട്ടു. ആര്‍ക്കും പരുക്കില്ല. വിവരമറിഞ്ഞ വളപട്ടണം പൊലിസ് സ്ഥലത്തെത്തി.