മുംബൈ: പത്ത് കിലോ ബീഫ് കൈവശം വച്ചുവെന്ന് ആരോപിച്ച് മൂന്ന് ചൈനക്കാര്‍ ഉള്‍പ്പെടെ അഞ്ച് പേരെ അറസ്റ്റ് ചെയ്തു. ജനുവരി 18ന് നാഗ്പൂരില്‍ ഗുംഗാണ്‍ ഖനിക്ക് സമീപത്തുവെച്ച് ഇവര്‍ സഞ്ചരിച്ച എസ്.യു.വിയില്‍ നിന്ന് ബീഫ് കണ്ടെത്തിയിരുന്നു. എസ്.യു.വിയില്‍ സഞ്ചരിച്ച അഫ്‌റോസ് ഷെയ്ക്ക്, ദേവേന്ദ്ര നാഗറാലെ, ചൈനീസ് പൗരന്‍മാരായ ലീ ചു ചങ്, ലു വെങ് ചങ്, ലു വോങ് കോങ് എന്നിവരാണ് അറസ്റ്റിലായത്. അഞ്ച് പേരെയും ഇന്നലെ കോടതിയില്‍ ഹാജരാക്കി 14 വരെ റിമാന്‍ഡ് ചെയ്തു.
അറസ്റ്റിലായ അഞ്ച് പേര്‍ക്കെതിരെയും മഹാരാഷ്ട്ര മൃഗസംരക്ഷണ നിയമപ്രകാരമാണ് കേസെടുത്തിരിക്കുന്നത്. പരിശോധനയില്‍ ബീഫാണെന്ന്‌വ്യക്തമായതായി പൊലിസ് അറിയിച്ചു.