ബ്രസീലിയ: തെക്കുകിഴക്കന്‍ ബ്രസീലില്‍ അണക്കെട്ട് തകര്‍ന്നുണ്ടായ ദുരന്തത്തില്‍ മരണം 115 ആയി. കാണാതായവരില്‍ 248 പേരെ കുറിച്ച് ഇനിയും ഒരുവിവരവും ലഭിച്ചിട്ടില്ല. അതിനിടെ, ദുരന്തത്തിന്റെ വ്യാപ്തി വെളിപ്പെടുത്തുന്ന വിഡിയോകളും ചിത്രങ്ങളും പുറത്തുവന്നിട്ടുണ്ട്.

മിനാസ് ഗെരെയ്‌സ് സംസ്ഥാനത്തെ ബ്രൂമാഡിഞ്ഞോയിലാണ് കഴിഞ്ഞ മാസം 25ന് ഇരുമ്പയിര് ഖനിയിലെ അണക്കെട്ട് തകര്‍ന്നു വന്‍ ദുരന്തമുണ്ടായത്. രാജ്യത്തെ ഏറ്റവും വലിയ ഖനി കമ്പനിയായ വെയില്‍ എസ്.എയുടെ ഉടമസ്ഥതയിലുള്ളതാണ് ഖനി.

മൂന്നുവര്‍ഷത്തിനിടെ ഇതു രണ്ടാം തവണയാണ് വെയിലിന്റെ ഖനികളില്‍ ഇത്തരത്തിലുള്ള സംഭവം നടക്കുന്നത്.
ബ്രൂമാഡിഞ്ഞോ സംഭവത്തില്‍ അഞ്ചുപേര്‍ അറസ്റ്റിലായിട്ടുണ്ട്. അന്വേഷണം പുരോഗമിക്കുന്നതായി അധികൃതര്‍ അറിയിച്ചു.