ഹിദായ നഗര്‍: ദാറുല്‍ഹുദാ ഇസ്‌ലാമിക് സര്‍വകലാശാലയുടെ സ്ഥാപക നേതാക്കളായ എം.എം ബശീര്‍ മുസ്‌ലിയാര്‍, സി.എച്ച് ഐദ്രൂസ് മുസ്‌ലിയാര്‍, ഡോ. യു. ബാപ്പുട്ടി ഹാജി, സൈനുല്‍ ഉലമാ ചെറുശ്ശേരി സൈനുദ്ദീന്‍ മുസ്‌ലിയാര്‍ എന്നിവരുടെ അനുസ്മരണ സമ്മേളനം നാളെ വൈകിട്ട് സര്‍വകലാശാലയില്‍ നടക്കും.
കോഴിക്കോട് ഖാസിയും ദാറുല്‍ഹുദാ വൈസ് പ്രസിഡന്റുമായ സയ്യിദ് മുഹമ്മദ് കോയ തങ്ങള്‍ ജമലുല്ലൈലി അനുസ്മരണ സമ്മേളനം ഉദ്ഘാടനം ചെയ്യും. വി.സി ഡോ. ബഹാഉദ്ദീന്‍ മുഹമ്മദ് നദ്‌വി അധ്യക്ഷനാകും. എം.പി കടുങ്ങല്ലൂര്‍, സി.എച്ച് ത്വയ്യിബ് ഫൈസി, ശറഫുദ്ദീന്‍ ഹുദവി ആനമങ്ങാട് എന്നിവര്‍ അനുസ്മരണ പ്രഭാഷണങ്ങള്‍ നടത്തും. സമാപന പ്രാര്‍ഥനക്ക് ഹസന്‍ കുട്ടി ബാഖവി കീഴ്‌ശ്ശേരി നേതൃത്വം നല്‍കും.