നെടുമ്പാശ്ശേരി: അന്താരാഷ്ട്ര വിമാനത്താവളം വഴി നികുതി വെട്ടിച്ച് കടത്താന്‍ ശ്രമിച്ച രണ്ടര കിലോഗ്രാം സ്വര്‍ണം കസ്റ്റംസ് വിഭാഗം പിടികൂടി. ഇന്നലെ പുലര്‍ച്ചെ ഖത്തര്‍ എയര്‍വെയ്‌സ് വിമാനത്തില്‍ ദോഹയില്‍ നിന്നും എത്തിയ കണ്ണൂര്‍ സ്വദേശിയായ യാത്രക്കാരന്‍ ടി. ഉനൈസാണ് പിടിയിലായത്. പിടിച്ചെടുത്ത സ്വര്‍ണത്തിന് 90 ലക്ഷം രൂപ വില വരും. മൈക്രാവേവ് ഓവനില്‍ ഒളിപ്പിച്ചാണ് ഇയാള്‍ സ്വര്‍ണം കടത്താന്‍ ശ്രമിച്ചത്. 23 സ്വര്‍ണ ബിസ്‌കറ്റുകളാണ് ഓവനില്‍ നിന്നും കണ്ടെടുത്തത്.