എരുമപ്പെട്ടി: കടങ്ങോട് വനത്തില്‍ തീപിടിത്തം. മണ്ടംപറമ്പ്, മലയകം പ്രദേശങ്ങളിലാണ് തീപിടിത്തമുണ്ടായത്. അക്വേഷ്യ പ്ലാന്റേഷനിലെ അടിക്കാടിനാണ് തീപിടിച്ചത്. ഏക്കര്‍ക്കണക്കിന് വരുന്ന പ്രദേശങ്ങളില്‍ തീപടര്‍ന്ന് പിടിച്ച് കുറ്റിച്ചെടികളും പാഴ്മരങ്ങളും കത്തിനശിച്ചു. വനപാലകരും ഫയര്‍ ഫോഴ്‌സും തീയണയ്ക്കാന്‍ ശ്രമിച്ചെങ്കിലും പൂര്‍ണമായും ഫലപ്രദമായില്ല. ജനവാസ പ്രദേശങ്ങളിലേയ്ക്ക് തീ പടര്‍ന്ന് കയറിയത് പരിഭ്രാന്തിക്കിടയാക്കി.