മാനന്തവാടി: പ്രായപൂര്‍ത്തിയാകാത്ത ആദിവാസി പെണ്‍കുട്ടിയെ പീഡിപ്പിച്ചെന്ന പരാതിയില്‍ യുവാവിനെ പോക്‌സോ പ്രകാരം അറസ്റ്റ് ചെയ്തു.
കാട്ടിക്കുളം ഇടയൂര്‍കുന്ന് പുത്തന്‍പുരക്കല്‍ അബ്ദുല്‍ റഷീദ് (25)ആണ് അറസ്റ്റിലായത്. കാട്ടിക്കുളത്തെ കടയില്‍ സെയില്‍സ് മാനായിരിക്കേ കടയില്‍ സാധനം വാങ്ങാനെത്തുന്ന പെണ്‍കുട്ടിയുമായി സൗഹൃര്‍ദത്തിലായി പ്രലോഭിപ്പിച്ച് പീഡിപ്പിക്കുകയായിരുന്നെന്നാണ് പരാതി.
മാനന്തവാടി എസ്.എം.എസ് ഡി.വൈ.എസ്.പി കെ.പി കുബേരന്‍, തിരുനെല്ലി സബ് ഇന്‍സ്‌പെക്ടര്‍ ബിജു ആന്റണി, എ.എസ്.ഐ പി.സി റോയി, സി.പി.ഒമാരായ വി.ആര്‍ ജോര്‍ജ്, പ്രവീണ്‍, സാഗര്‍ എന്നിവരടങ്ങിയ സംഘമാണ് ഇയാളെ കസ്റ്റഡിയിലെടുത്തത്. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.