കൊച്ചി: എറണാകുളം സെന്റ് ആല്‍ബര്‍ട്ട്‌സ് കോളജിന്റെ ഔദ്യോഗിക സ്വയം ഭരണാവകാശ (ഓട്ടോണമസ്) പ്രഖ്യാപന ചടങ്ങ് 21ന് രാവിലെ 9.30ന് മുന്‍ മുഖ്യമന്ത്രി ഉമ്മന്‍ചാണ്ടി ഉദ്ഘാടനം ചെയ്യുമെന്ന് കോളജ് അധികൃതര്‍ വാര്‍ത്താസമ്മേളനത്തില്‍ അറിയിച്ചു. കോളെജിലെ പാപ്പാളി ഹാളില്‍ സംഘടിപ്പിക്കുന്ന ചടങ്ങില്‍ ഒന്നാം വര്‍ഷ വിദ്യാര്‍ഥികളുടെ കോഴ്‌സ് ആരംഭവും നടക്കും. എം.ജി സര്‍വകലാശാല വി.സി ഡോ. ബാബു സെബാസ്റ്റ്യനാണ് കോളജിന് ലഭിച്ച സ്വയംഭരണാവകാശ പ്രഖ്യാപനം നടത്തുക.
വരാപ്പുഴ ആര്‍ച്ച് ബിഷപ്പും കോളജിന്റെ രക്ഷാധികാരിയുമായ റവ. ഡോ. ഫ്രാന്‍സിസ് കല്ലറയ്ക്കല്‍ അധ്യക്ഷത വഹിക്കും.