തിരൂരങ്ങാടി: ലോക തണ്ണീര്‍ത്തട ദിനത്തില്‍ തലക്കുള സംരക്ഷണ പരിപാടിയുമായി വാളക്കുളം സ്‌കൂള്‍. 'ഉയരട്ടെ ജലസാക്ഷരത കുറയട്ടെ ജലക്ഷാമം' എന്ന ശീര്‍ഷകത്തില്‍ സ്‌കൂളിലെ ദേശീയ ഹരിതസേനയാണ് പരിപാടിക്ക് നേതൃത്വം നല്‍കിയത്. വാളക്കുളം പാടത്ത് അവശേഷിക്കുന്ന തലക്കുളങ്ങള്‍ വിദ്യാര്‍ഥികള്‍ സന്ദര്‍ശിക്കുകയും തലക്കുള സംരക്ഷണ മതില്‍ തീര്‍ക്കുകയും പ്രതിജ്ഞയെടുക്കുകയും ചെയ്തു. ഇതോടനുബന്ധിച്ച് കാലത്ത് നടന്ന അക്വാ എക്‌സിബിഷന്‍ തിരൂരങ്ങാടി മുനിസിപ്പല്‍ കൗണ്‍സിലര്‍ ഇഖ്ബാല്‍ കല്ലിങ്ങല്‍ ഉദ്ഘാടനം ചെയ്തു.
എച്ച്.എം മുഹമ്മദ് ബഷീര്‍ പി.കെ, ഇ.കെ അബ്ദുല്‍ റസാഖ്, ഷഫീഖ് ക്ലാരി, ഇസ്ര പി , ഹിബ ഷെറിന്‍ സംസാരിച്ചു.