നിലമ്പൂര്‍: വയനാട് ലോക്‌സഭാ മണ്ഡലം സ്ഥാനാര്‍ഥി പട്ടികയില്‍ എല്‍.ഡി.എഫ് സ്ഥാനാര്‍ഥിയായി പ്രൊഫ. തോമസ് മാത്യുവിനും നറുക്കുവീണേക്കുമെന്നു സൂചന. കഴിഞ്ഞ ദിവസം സി.പി.ഐ നേതാക്കളുമായി തോമസ് മാത്യൂ ചര്‍ച്ച നടത്തി. സി.പി.എം സ്വതന്ത്രനായി നിലമ്പൂര്‍ നിയോജക മണ്ഡലത്തില്‍ ആര്യാടന്‍ മുഹമ്മദിനെതിരേ രണ്ടുതവണ മത്സരിച്ച് പരാജയപ്പെട്ടിരുന്നു. ഒരു തെരഞ്ഞെടുപ്പില്‍ ആര്യാടന്‍ മുഹമ്മദിന്റെ ഭൂരിപക്ഷം അയ്യായിരത്തിനു താഴെയെത്തിച്ചതും തോമസ് മാത്യുവാണ്. സി.പി.എമ്മില്‍ നിലവില്‍ സജീവമല്ലാത്ത തോമസ് മാത്യു, സി പി.ഐ സംസ്ഥാന എക്‌സിക്യൂട്ടിവ് അംഗം പി.പി സുനീര്‍, മണ്ഡലം നേതാക്കള്‍ എന്നിവരുമായാണ് ചര്‍ച്ച നടത്തിയത്.