തിരുവനന്തപുരം: കൊവിഡ്- 19 വ്യാപനത്തിന്റെ അടിസ്ഥാനത്തില്‍ സംസ്ഥാനത്തെ മദ്യശാലകള്‍ അടയ്ക്കണമെന്ന ആവശ്യം തള്ളി എക്‌സൈസ് മന്ത്രി ടി.പി രാമകൃഷ്ണന്‍. കൊവിഡിനെതിരേ ജാഗ്രത തുടരുമ്പോള്‍ തന്നെ കച്ചവടസ്ഥാപനങ്ങള്‍ തുറന്നു പ്രവര്‍ത്തിക്കണമെന്നാണ് സര്‍ക്കാരിന്റെ നിലപാടെന്നും ഒരു മദ്യശാലയും ഇതുവരെ അടച്ചിട്ടില്ലെന്നും മന്ത്രി പറഞ്ഞു.
നൂറു ഷോപ്പുകളില്‍ വരിനില്‍ക്കുന്നത് ഒഴിവാക്കാന്‍ പുതിയ സംവിധാനമേര്‍പ്പെടുത്തും. തിരക്കു കുറയ്ക്കാന്‍ കൂടുതല്‍ സെക്യൂരിറ്റി ജീവനക്കാരെ വിന്യസിക്കുമെന്നും മാധ്യമപ്രവര്‍ത്തകരുടെ ചോദ്യങ്ങള്‍ക്കു മറുപടിയായി മന്ത്രി പറഞ്ഞു.