മലപ്പുറം: കഴിഞ്ഞ ദിവസം മലപ്പുറം ജില്ലയില്‍ കൊവിഡ് -19 സ്ഥിരീകരിച്ച രണ്ടുപേര്‍ വിദേശത്തുനിന്നും മടങ്ങിയെത്തിയ വിമാനങ്ങളിലെ യാത്രക്കാര്‍ ആരോഗ്യവകുപ്പുമായി ബന്ധപ്പെടണമെന്ന് ജില്ലാ കലക്ടറുടെ നിര്‍ദേശം. ഈ മാസം ഒന്‍പതിന് എയര്‍ഇന്ത്യയുടെ 960 വിമാനത്തില്‍ കരിപ്പൂര്‍ വിമാനത്താവളത്തിലെത്തിയവരും 12ന് എയര്‍ഇന്ത്യയുടെ 964 വിമാനത്തില്‍ നെടുമ്പാശ്ശേരി വിമാനത്താവളത്തിലെത്തിയവരും രോഗികളുമായി നേരിട്ട് സമ്പര്‍ക്കം പുലര്‍ത്തിയവരുമാണ് റിപ്പോര്‍ട്ട് ചെയ്യേണ്ടത്.
ഇവര്‍ ഒരു കാരണവശാലും നേരിട്ട് ആശുപത്രിയില്‍ പോകരുതെന്നും കണ്‍ട്രോള്‍ സെല്‍ നമ്പറുകളായ 0483 2737858, 04832737857, 0483 2733251, 0483 2733252, 0483 2733253 എന്നിവയുമായി ഉടന്‍ ബന്ധപ്പെടണമെന്നും കലക്ടര്‍ അറിയിച്ചു.