മുംബൈ: നീ@ണ്ട ഇടവേളയ്ക്ക് ശേഷം ക്രിക്കറ്റില്‍ തിരിച്ചെത്താന്‍ ഒരുങ്ങിയതായിരുന്നു മഹേന്ദ്ര സിങ് ധോണി. എന്നാല്‍ കൊവിഡ് കാരണം ഐ.പി.എല്‍ നിര്‍ത്തിവെക്കാനുള്ള തീരുമാനത്തോടെ ധോണിയുടെ തിരിച്ചുവരവിനുള്ള വാതിലുകളും അടയുന്നു. ചെന്നൈ സൂപ്പര്‍ കിങ്‌സിന് വേണ്ടി കളിക്കുന്നതിന് ധോണി നേരത്തെ തന്നെ പരിശീലനം ആരംഭിച്ചിരുന്നു. കഴിഞ്ഞ മാസം തന്നെ ചെന്നൈയുടെ ആസ്ഥാനത്തെത്തിയ ധോണിയെ വലിയ രീതിയിലായിരുന്നു ക്ലബ് സ്വീകരിച്ചത്. ഐ.പി.എല്ലിന്‍ അനിശ്ചിതത്വം തുടങ്ങിയോടെ ധോണി പരിശീലനം നിര്‍ത്തി വീട്ടിലേക്ക് മടങ്ങിയിട്ടുണ്ട്.
എട്ടു മാസമായി ധോണി ക്രിക്കറ്റ് കളിച്ചിട്ട്. ഇന്ത്യയുടെ ലോകകപ്പ് തോല്‍വിക്ക് ശേഷം മുന്‍ ഇന്ത്യന്‍ നായകന്‍ ക്രീസിലിറങ്ങിയിട്ടില്ല. സൈനികസേവനത്തിന് വേണ്ട@ിയായിരുന്നു ധോണി ക്രിക്കറ്റില്‍ നിന്ന് അവധി എടുത്തത്. ഓരോ പരമ്പര വരുമ്പോഴും ധോണി സ്വയം പിന്മാറി. മുന്‍ ഇന്ത്യന്‍ നായകന് അടുത്തെങ്ങും ടീമില്‍ കളിക്കാന്‍ ഉദ്ദേശ്യമില്ലെന്ന് കണ്ട@തോടെയാണ് ധോണിയില്‍ നിന്ന് മാറി ചിന്തിക്കാന്‍ സെലക്ഷന്‍ കമ്മിറ്റിയും തീരുമാനിച്ചത്.
ഇതിനിടയില്‍ ധോണിയുമായുള്ള വാര്‍ഷിക കരാറും ഇന്ത്യന്‍ ക്രിക്കറ്റ് കണ്‍ട്രോള്‍ ബോര്‍ഡ് ഉപേക്ഷിച്ചു. നിലവില്‍ റിഷഭ് പന്താണ് ടീമില്‍ ധോണിക്ക് പകരക്കാരന്‍. പന്തു പ്രതീക്ഷ കാത്തില്ലെങ്കില്‍ കെഎല്‍ രാഹുല്‍ എന്ന ഓപ്ഷനും ഇന്ത്യയ്ക്ക് മുന്നിലു@ണ്ട്. ഐ.പി.എല്ലില്‍ മികച്ച പ്രകടനം നടത്തിയാല്‍ ഇന്ത്യന്‍ ടീമിലേക്കുള്ള വാതില്‍ വീണ്ടും തുറയുമെന്ന പ്രതീക്ഷയിലായിരുന്നു ധോണി. എന്നാല്‍ ഐ.പി.എല്‍ റദ്ദാക്കുകയാണെങ്കില്‍ ധോണിയുടെ ക്രിക്കറ്റ് കരിയറിന് അത്ര ശുഭകരമല്ലാത്ത അന്ത്യം നേരിടേണ്ടി വരും.
ഐ.പി.എല്‍ ഉപേക്ഷിക്കേ@ണ്ടി വരികയാണെങ്കില്‍ മഹേന്ദ്രസിങ് ധോണിക്ക് ടീമില്‍ തിരിച്ചെത്താനുള്ള അവസാന പഴുതാണ് അടയുക.